留言管理政策

留言管理政策

言論自由讓香港成功,同時也確保不同的聲音能夠互相尊重,大放異彩,因此本博開放留言功能。然而,近年有些人濫用言論自由,而且做盡壞事(特別是來自財團手下以及中國的「五毛」等網絡打手),這些人的言論基本上毫無道理,旨在混淆視聽或浪費大家的時間。

有見及此,本博決不容許這些人在這裡呃「維穩費」或「打手酬金」,採取以下措施管理留言:

1. 所有不具名的留言,不論是否合理,將一概不留。
2. 本博將審核所有具名留言,並對留言是否刊登保留最終決定權。「五毛」或沒有意義的「灌水」留言將不會刊登,但會保留日後公告天下。本博亦會不定期重新審核已經刊登的留言。
3. 為避免變相為這些人「出糧」,本博將保留「五毛」和「灌水」的最終定義權。
4. 本博將保留但不刊登任何涉及人身攻擊或誹謗的留言(不管攻擊對象是誰),並會保留轉交有關人士處理的權利,如涉及訴訟等問題,留言者須自行承擔所有後果!
5. 本博將不定期更新上述政策而不作另行通知,並保留最終解釋權。

感謝大家合作!祝大家瀏覽愉快!

2013年10月9日星期三

日出康城「緻藍天」,買樓前要聞過先

本博成日建議讀者買樓前要先到現場視察,原來還未夠!皆因日出康城的臭味,原來並非尋常人可以忍受!
港鐵、長實、南豐合作發展的日出康城第3期A項目近日命名為「緻藍天」,號稱是最港鐵站的一期,兼享開揚海景。不過,準買家作出置業決定前,除了親身了解臭味情況外,還應該多了解堆填區的未來發展才作決定。

2013-10-08 - 蘋果日報 - 【短片】【再別康城】何苦與惡臭共存?業主賣樓棄城逃亡
「買唔買得過,除咗睇銀碼,更視乎你頂唔頂到來自堆填區的臭味。曾幾何時,超人李嘉誠曾經以「心曠神怡」形容日出康城。事實係點?當然係惡臭陣陣。」 

2013-10-08 - 蘋果日報 - 【短片】【再別康城】惡臭生活有幾慘:原來垃圾車汁是酸的
「初初點解會聞到坑渠屎個啲味嘅......風吹來就有味,唔係日日有,間中。後來問朋友,先知堆填區係隔籬,當時差啲喊呀!......當初我都唔知有堆填區,發展商又無同我講。」

住了兩年,問題接踵而來,「個仔鼻敏感,我有時會眼紅,因為空氣唔好……垃圾車又成日喺前面不停經過,垃圾車個啲汁,滴…滴…滴…啲味酸酸嘅…」她稱,每逢吹南風,味道「寧舍犀利」。

2013-10-08 - 蘋果日報 - 【再別康城】做堆填區鄰居 樓價注定跑輸!
舊居由當時之230多萬元,至今升逾1倍至500萬元。至於現時持有的領都單位,亦僅升至500餘萬元,嚴重跑輸大市。

至於老頂在香討撰文《終於忍唔住搬離日出康城》原帖和評語撮要,可「閱讀更多」。


「2012年尾結左婚之後搬左入黎
之前冬天只係耐唔耐有味都可以接受
一到左夏天 臭味出現的密度多左好多
一星期可以有三四日都有味 如果吹正風向真係好臭

每日起身返工就要閉氣行條橋出去MTR
放工又要擔心唔知返到康城會唔會又有臭味
辛辛苦苦買個安落窩竟然換黎一肚氣
同老婆都因為呢樣野生活得好唔開心

我地都有諗過忍受一下 相信只要等一兩年一定好轉
不過要等一個堆填區D臭味完全分解消失又談何容易
一到雨季回南天 D雨水由堆填區沖D臭水出黎再出太陽 D臭味就係咁產生

兩個月前終於忍唔住要搵地方搬
而且我地又計劃生BB
想俾小朋友一個健康D的環境成長
始終成日嗅住D臭味都唔知會唔會影響身體

我地已經賣出左單位搬左去第二區
只係對呢個地方好失望 想分享一下」

「我唔係炒家 唔知渣緊貨果D點諗
我只係用家講感受
我覺得最大問題係正苦(府)規劃 點解可以咁樣發展住宅用地」

「係有賺少少
不過日出係跑輸出面個市好多」

「果時買樓花
同埋諗住唔係咁近
又諗住到時有人住應該會改善
點知係錯誤決定」

「事實勝於雄辯
我是誰根本並不重要
俾你地查到我個成交只會自摑兩巴
路過的可以當故事睇完笑完就算
考慮買日出自住的
一定要行多幾次感受一下
唔係人人都可以忍受十年二十年等回報」

「日出康城的臭味問題街知巷聞」

1 則留言:

  1. 個人去過日出康城又唔係真係太臭,反而我比較怕治安問題.....

    回覆刪除